இந்தியப் பிரதமர் நரேந்திர மோடி 2025 ஏப்ரல் 4 முதல் 6 வரை இலங்கைக்கு வருகை தர உள்ளார். இந்த பயணத்தின் போது இருதரப்பு ஒத்துழைப்பை அதிகரிக்கும் நோக்கில் பல புரிந்துணர்வு ஒப்பந்தங்கள் கையெழுத்தாக உள்ளன.
இந்த ஒப்பந்தங்களில், இந்தியா-ஸ்ரீலங்கா மின் இணைப்பு திட்டம் குறிப்பிடத்தக்க ஒன்றாகும். இந்த திட்டம் இலங்கையின் மன்னாரையும், தென்னிந்தியாவையும் நீருக்கடியில் கேபிள் மூலம் இணைக்கும்.
இந்த திட்டம் இலங்கையை ஒரு எரிசக்தி மையமாக மாற்றும் என்றும், உபரி புதுப்பிக்கத்தக்க எரிசக்தியை இந்தியா மற்றும் பிராந்தியத்தின் பிற நாடுகளுக்கு ஏற்றுமதி செய்யும் என்றும் இலங்கை வெளியுறவு அமைச்சர் விஜித ஹேரத் தெரிவித்தார்.
